Cfare eshte Vleresimi Doganor?

Vlera doganore e mallrave të importuara është vlera e transaksionit, që paraqet çmimin vërtetë të paguar ose të pagueshëm për mallrat e shitura për eksport në Kosovë, i përshtatur, sipas nevojës, në përputhje me nenet 36 dhe 37, Kodi Doganor dhe Akcizave të Kosovës me kusht që:

a) Nuk ekzistojnë kufizime për disponimin ose shfrytëzimin e mallrave nga blerësi, përveç atyre kufizimeve të cilat:

- Janë vendosur ose kërkohen me ligj prej autoriteteve publike në Kosovë,
- Kufizojnë hapësirën gjeografike në të cilën mallrat mund të rishiten ose
- Kryesisht nuk ndikojnë në vlerën e mallrave;

b) Shitja ose çmimi nuk janë objekt i disa kushteve apo shqyrtimeve të mëvonshme për shkak te të cilave nuk mund të caktohet vlera lidhur me mallrat që vlerësohen;

c) Asnjë pjesë e të ardhurave të nxjerra nga çdo rishitje, posedim ose përdorim të mëvonshëm të mallrave nga blerësi nuk i kthehet drejtpërdrejt ose tërthorazi shitësit, përveç rastit kur mund të bëhet një përshtatje e nevojshme në përputhje me nenin 36 dhe

d) Blerësi dhe shitësi nuk janë në lidhje ose kur blerësi dhe shitësi janë në lidhje, vlera e transaksionit do të jetë e pranueshme për qëllime doganore sipas paragrafit 2.

Legjislacioni

Dispozitat e kapitulli 3 të Kodit Doganor të Kosovës rregullojnë përcaktimin e vlerës doganore me qëllim të aplikimit të Tarifës Doganore të Kosovës, si dhe masat jo tarifore të parapara me dispozita tjera të Kosovës, që rregullojnë fushat e veçanta që kanë të bëjnë me tregtin e mallrave.

Vlera doganore përfshin cmimin e mallit, shpenzimet e transportit dhe shpenzimet e sigurimit të mallit në transport, deri në arritjen e mallit pranë zyrës doganore të deklarimit.

Dokumentet dhe metodat

Dokumentat bazë të llogaritjes se vlerës doganore janë faturat e blerjës, fatura e transportit dhe cdo dokument tjeter i verifikueshem.

• Rregullat për vlerësime doganore bazohen në Marrëveshjen e Vlerësimit të WTO- së GATT 1994.
• Vlera e transaksionit është metoda më e aplikuar gjatë vlerësimit të mallrave të importuara në Kosovë dhe aplikimi i kësaj metode është duke u rritur neni 32 - 39 i Kodit Doganor te Kosoves.

Lejimet per mallrat që barten në bagazhin privat të udhëtarëve janë të rregulluar me neni  45 – 48 Kodin Doganor të Kosovës

Procedura

Dokumentet

N/A

Kontakti